"كلنا التركي"..!

كتب | صدام اللحجي

وين أصحاب "كلنا التركي وكلنا مدري ايش"؟ وين الحماس والتطبيل اللي ما يوقف شبه كل يوم ؟ بس عشان قليل من فتافيت "فلوس" يترمو لهم صاروا يصفقوا ويغنوا لفلان وعلان؟ عيب والله! الناس تعاني بالكهرباء اللي راحت بالمشمش، قد دخلنا الشهر الثاني وما حد فكّر يعالج الوضع حتى عدن لصيت. الغلاء وما أدراك ما الغلاء قتلنا ورمضان باقي إلا أيام والراتب قطارة وهم مشغولين بالتطبيل!

مدراء عموم أغلبهم والله العظيم فاشلين، لا شغل ولا إنجاز، ولا حتى حيا يحكمهم. والمحافظ؟ ساكت كأنه في دنيا ثانية، سايبهم يخبطوا بدون أي رقابة أو محاسبة. لا كهرباء، لا خدمات، وكل ما يجي المواطن يشتكي ما يلقى إلا أعذار ووعود كاذبة.

إلى متى عاد؟ الوضع ما عاد يحتمل، والناس تعبت من الوعود الفاضية، لا بد أحد يتحرك ويوقف هذي المهزلة!