عاجل:ريدان باسل من داخل السجن ادعو الجميع بعدن الوقوف معي

كريتر سكاي/خاص:

وجه اليوتيوبر ريدان باسل نداء استغاثة للوقوف معه بعد ان تم اعتقاله منذ يوم الخميس.

وحصل كريتر سكاي على مناشدة ريدان باسل وينشرها كما وردت:

أنا ريدان باسل عمري ماحد جالي ورجعته ، دخّلت نفسي في مشاكل مالي دخل فيها عشان الناس ، أتكلم بقضايا ماحد يتكلم فيها عشان الناس ، الأن يتم البلطجة عليا والتعند.

كلكم دارين بقصة الباص الذي بعته حقي ومعي مبايعه رجعوها (خيانة أمانه) وهي بإسمي شرعا، وجازونا بالحبس ثمان ايام باطل 

وبعد ماخرجت بضمانة مُحضر ، اجولي بيعطونا بيس وأنا رفضت وقلتلهم أنحبست ثمان ايام خلو النيابة تخرج حقي ، ورقي كله سليمة وانتو ولا معاكم شيء ،اظن في قانون بالبلاد .

الذي صار بإختصار : 

استدعو النيابة العامة البريقة اول تحقيق بدوني وشلو اقوالهم وروحوبهم وبعدين أستدعونا لحالي ، ركزوا معي: الاستدعاء كان يوم الخميس وكلنا نعرف لمن يشتو يأذبوك يجيبوك الخميس عشن تأجز عندهم خميس وجمعه وسبت وتتقيد ماتقدر تتصرف ويقول لك جيب ضمين الاحد . 

المهم هم شلو اقوالهم وروحوهم وانا مافيش مروح! (جيب ضمين تجاري محضر ) ، قلت أوراقي سليمة كيف خيانة امانة والباص بإسمي وأساسا أنا معي ضمين محضر موظف ! 

أنا مستغرب من النيابة بعد ان قمت بتقديم ضمانه امام النيابة كما قررت النيابة نفسه بإحضار ضمين مُحضر ، بعدين يتم إستدعائي للتحقيق أمام النيابةمرة اخرى وإعادتي للحبس وعدم الخروج إلا بضمين تجاري واصلاً الموضوع أمام النيابة العامة حول الباص الذي أنا مالكة بموجب ملكية موضحه بالصوره تحت ومعي ورق من الشرطة وورق من اللجان و بيع وشراء .

أنا محتجز الأن لو في رجال معي ما بيسيبو حقي وكلتكم بالموضوع وصلوه للنائب العام قاهر مصطفى الكل يتضامن معي ، أنا صاحب الحق محبوس وهم برع وقدامكم المبايعه كيف باخون نفسي ما اقدر اتحرك واتابع كوني محتجز لكن واثق معي من يتضامن ولو ما تكاتفنا مع بعض بانندعس .