لين متى بيظل حال الرياضة في الشحر بهالطريقة؟

نادي سمعون وفرق الشعبيه تابع نادي اللي كان له صيت واسم بين الأندية، اليوم ما عاد نسمع له حسّ، لا نشاط، لا مباريات، ولا حتى تمرين بسيط!

الشباب كلهم ضايعين، بعضهم ساحب على الرياضة، والبعض — الله المستعان — تلقاه كل يوم جالس في سوق الصالحين (القات)، بدل ما يكون في الملعب يعرق ويتعب عشان يرفع اسم مدينته.

تكلمنا وتعبنا من الكلام، ووجّهنا أصواتنا للمسؤولين عن الرياضة في الشحر، قلنا شوفوا حل، بس ما في فايدة، كأنهم ما يسمعوا!

الملعب مهجور، الدعم ميت، والإدارة نايمة بالعسل 😒

الرياضة مش كماليات، هي أساس لبناء شباب واعي وطموح، تزرع فيهم روح التنافس والشرف، وتبعدهم عن الفراغ والقات والعادات السيئة.

ونادي سمعون وفرق الشعبيه كانت فخر الشحر وواجهة شبابها، واللي يشوف حاله اليوم يوجعه قلبه 💔

🔸 الناس تتساءل: وين وزارة الرياضة في ساحل حضرموت؟ وين السلطة المحلية في الشحر؟

ليش هذا الإهمال؟!

الفرق الشعبية ما عندها إمكانيات، والملاعب محتاجة صيانة، والشباب محتاجين دعم وتشجيع، مو وعود وكلام فاضي.

يا جماعة، الشحر فيها طاقات لو تُستثمر صح، بنشوف أبطال يرفعوا اسم الشحر وحضرموت كله، لكن للأسف، الإهمال يقتل الطموح قبل ما يبدأ.

⚽ فهل بنشوف نادي سمعون يرجع نشاط الفرق الشعبيه مثل قبل، بنشاطه وهيبته؟

ولا بيظلوا الشباب يضيعوا يوم بعد يوم في سوق الصالحين؟