مي كساب عن خسارتها الوزن: قطعت جزءاً من جسدي

حلّت الفنانة مي كساب ضيفة على الإعلامي معتز الدمرداش ببرنامجه "ضيفي" الذي يقدمه على قناة الشرق الإخبارية، حيث تحدثت عن كواليس إجرائها عملية تكميم المعدة وأسباب اتخاذها هذه الخطوة مؤكدة أن القرار جاء بعد محاولات كثيرة لإنقاص الوزن.

وأوضحت مي: "في ناس بعد العملية بتضغط على نفسها وتبوظ العملية أنا استحالة أعمل كده أصل أنا دخلت أوضة عمليات وأخدت بنج وشلت حتة من جسمي اللي هي تكميم المعدة وكان لازم يبقى عندي إحساس بالمسؤولية للخطوة اللي عملتها".

وأشارت الى أسباب اتخاذها قرار إجراء العملية قائلة: "فضلت فترة بعمل دايت أخس واتخن اللي بخسه وكنت باخد أدوية اللي بتسد النفس لحد مجالي حصوات في المرارة وشيلت المرارة وأنا منصحش أي حد بيها وانا بشيل المرارة قولت للدكتور إيه رأيك نعمل عملية تكميم قالي مقدرش دلوقتي وخدي القرار وانتي مقتنعة لحد ما قررت أعملها".

مي كساب توجّه رسالة رومانسية لزوجها

وحرصت مي كساب أيضًا على توجيه رسالة رومانسية لزوجها أوكا قائلة: "لو رجع الزمن هختاره تاني ودائمًا بقوله أنت بالنسبة ليا الراجل المثالي في كل حاجة يعني لو رجع بيا الزمن مليون مرة سواء نجحت معاه أو فشلت لأن دي حاجة في علم ربنا هو بالنسبة ليا الراجل اللي كنت أتمناه طول عمري".

واختتمت مي كساب حديثها قائلة: "شيفاه احسن راجل في الدنيا وربنا يخليه ليا ولاولاده".

يذكر أن آخر أعمال مي كساب كان فيلم "آخر رجل في العالم" والذي تم طرحه مؤخرا في دور العرض السينمائي، ويشاركها البطولة كل من: بيومي فؤاد وأيمن منصور وانتصار ومحمد محمود من إخراج أسامة عرابي.