قدمت الفنانة آمال ماهر أغنيتها الجديدة "رقم واحد" ضمن ألبوم "حاجة غير"، وأشعلت مواقع التواصل الاجتماعي بكلماتها التي حملت رسائل واضحة وقوية حول مكانتها الفنية.
تضمنت أغنية "رقم واحد" كلمات صاغها نادر عبد الله وألحان زعيم، وتوزيع أحمد أمين، وجاءت على لسان شخصية تشعر بقوة أنوثتها وثقتها بعد فترة غياب.
كلمات تحمل ثقة وتميز
"بعيش فترة في حياتي كنت أنا نسيتها،
بإحساس بنت فرحانة بأنوثتها،
تبان واثقة ومن جواها طايقة ومراهقة،
في تفكيرها ومشاعرها اللي حسيتها،
مع حبيبي لقيتني رجعت من تاني،
بغير شكل تسريحتي وفستاني،
بجدد حتى لون شعري وبرفاني،
وبتمرد على الوحدة وحبستها،
أنا اللي وجودها طمنها وغيرها في حبت نفسها أكتر عشان حباه،
كأنها نجمة مطفية ونورها،
ثقتها بنفسها رجعت وهي معاه،
أنا اللي مكانها مش ممكن هيتاخد،
ولو حتى اختفيت ولا بعدت يومين،
ما أنا اللي مكانها كان دايمًا رقم واحد،
ومن بعدي مفيش وماجتش رقم اتنين."
تفاعل واسع وردود متباينة
أثارت كلمات الأغنية ردود فعل متباينة بين الجمهور، فاعتبرها البعض تأكيدًا واضحًا على استمرارية آمال ماهر في الصدارة رغم غيابها، في حين رأى آخرون أنها تلميحات غير مباشرة موجهة إلى زميلات في الوسط الفني.
آمال ماهر تتحدث عن لقب "رقم واحد"
وعلى صعيد منفصل، تحدثت آمال ماهر في تصريحات تلفزيونية سابقة عن جدل لقب "صوت مصر" و"رقم واحد"، مؤكدة عدم رغبتها في الدخول في نقاشات الألقاب، قائلة:
"أنا مبحبش الكلام ولا اللغط في موضوع الألقاب، لأن أنا ممكن أكون رقم 1 عند حد وممكن أكون ولا حاجة عند حد تاني، فبأي حق أقول أنا رقم واحد؟
وأنا صوت إيه، الناس هي اللي بتقيم وهو اللي بتدي اللقب للمطرب، وأنا بحب اسمي جدًا وبالنسبة لي أن الناس حباني وعارفاني دي حاجة اتشرفت بيها.
واللي أنا عارفاه كويس أوي أني بحب اسم آمال ماهر، أنا هعوز إيه أكتر من أن الناس شايفاني أميرة قلوبهم."
تابعوا آخر أخبارنا المحلية وآخر المستجدات السياسية والإقتصادية عبر Google news