هشام ماجد يردّ على اتهامات مسلسله بالتنمر

خلال لقاء عبر الفيديو كونفرانس، ببرنامج "المشهد تاغ"، الذي تقدمه الإعلامية سهى زين عبر قناة المشهد، علق الفنان هشام ماجد على الانتقادات التي وجهت للجزء الثاني من مسلسل "أشغال شقة" ومنها التنمر بسبب شخصية "مدينة من نيجيريا" التي قدمتها الفنانة السودانية إسلام مبارك، وإظهار الطبيب الشرعي في صورة سيئة.

قال هشام: "أنا مش حابب أرد على الانتقادات لأني شايف إنها مش في محلها، الكوميديا مبنية على فرضيات كثيرة على شخص عنده مشكلة ينشأ منه الكوميديا مش معقول كل ما نتكلم عن حاجة يطلع ناس في السوشيال ميديا تقول دا تنمر، تنمر في إيه الطبيب الشرعي "حمدي" دا مهمل وفاشل بس في عشرة تانيين في المسلسل كويسين، في أي شغلانة في ناس كويسة وناس فشلة والضحك هيطلع منين؟".

وعن حديث البعض على التنمر على الفنانة إسلام مبارك، قال هشام ماجد: "إسلام مبارك التنمر عليها كان في إيه؟ هي ممثلة سودانية من بلد شقيق وتؤدي دور إن عندها مشكلة إنها قوية وبتاكل كتير متريقناش على تخنها ولا على أي حاجة عنصرية وكله كان في إطار الضحك وهي مكنش عندها مشكلة والجمهور 99 في المئة منهم معندوش مشكلة، دايمًا نلاقي حد يطلع كده، أعتقد إنه عايز ينتقد لمجرد الانتقاد طالما العمل مفيهوش مشكلة يلا نعمل أي حاجة، أنا بحترم النقد لما يكون في محله أو يكون بناء".