كريتر سكاي/خاص:
قال المنظم لحدث تيدكس في عدن أحمد جمال:القاعة كانت مليانة بالحماس، وعلى الرغم إن الحضور كان فوق الطبيعي ، لكن الإعلاميين كانوا موجودين بأسئلتهم القوية والمفيدة.
تكلمنا عن الحدث الجاي وكيف بيكون مميز وفريد من نوعه في عدن. الإعلاميين سألوا أسئلة مهمة، ووضحنا لهم رؤيتنا وأهدافنا من الفعالية، وشفنا التفاعل الحلو منهم والحماس اللي بان في عيونهم.
واضاف:وكشفنا كمان عن الرعاة والشركاء اللي دعمونا، وهذا الشيء زاد حماسنا وفخرنا. دعمهم الكبير يعني لنا الكثير، وإحنا ممتنين لثقتهم فينا وفي رسالتنا. وجودهم معنا يعطينا دفعة قوية لنقدم أفضل ما عندنا الأداء من الفريق كان بصراحة مبهر؛ كل واحد فيهم تكلم بثقة وحماس عن دوره وكيف بنشتغل مع بعض عشان نطلع بأحلى نسخة من TEDxSealineRd. الحضور حسوا بالشغف اللي عندنا، وهذا يدل على وجود شباب خارقين فعلاً!
واختتم:الأسئلة والتوضيحات من الإعلاميين ساعدتنا نوصل رسالتنا بشكل أفضل، وخلتنا نتأكد إننا على الطريق الصحيح. الحماس اللي شفناه منهم يدفعنا نستمر ونعمل بجد أكبر حابب أشكر كل اللي حضروا ودعمونا، وإن شاء الله بنستعد للحدث الكبير بكل ما عندنا من طاقة. استنونا، عندنا مفاجآت حلوة ومحتوى بيغير المفاهيم ويضيف قيمة حقيقية لمجتمعنا.
تابعوا آخر أخبارنا المحلية وآخر المستجدات السياسية والإقتصادية عبر Google news