بالفيديو.. ”الشليمي” يعلق على خطاب ”نصرالله” ويسخر من الحوثي :” من يوم استهداف الحديدة وين صواريخك ؟”

أبدى المحلل السياسي الكويتي فهد الشليمي، تعجبه من طريقة أمين حزب الله حسن نصرالله في خطابه الأخير، حيث كان هادئاً على غير العادة.

وقال الشليمي :"أعتقد أنهم كلهم الآن يبررون ليش هذا التأخير، يمكن فيه مبادرة سياسية أو كسب وقت، لكن اللي فهمته الآن إن المحللين الإسرائليين يقولون ما راح تضرب طيب حنا راح نضرب".

وأضاف :"قرب عندي يا عبدالملك الحوثي وينك؟، أشوف صواريخك على السعودية على الحد الجنوبي، ومن يوم ما ضربوا الحديدة صارلك 20 يوم وينك أنت؟".

وتابع :"غزة قاعدة تقتل صار لهم 10 شهور وهم جالسين يقولوا خسرنا إسرائيل ملايين، طيب والـ 110 ألف اللي راحوا والدمار الشامل، إذا ما تقدرون تحررون الأقصى ولا تخوضون معركة حاسمة مع الإسرائيليين، ليش تعطلون عملية التسوية اللي صارت؟".

وأكمل :"يمكن الحصول على تسوية سياسية مفيدة للفلسطينيين بدون حرب ولا دمار وبدون قتل وبدون هياط، كان ممكن تنحل بدون هالصيحة هذي".

واستطرد :"سيادة إيران انتهكت وصار لهم أسبوع يقولون بندرس الخيارات، ونصرالله يقول أيضاً ندرس الخيارات ولا داعي إيران تدخل معنا، وأبو يمن هناك عبدالملك الحوثي لا أسمع لا أرى لا أتكلم".