ريم مصطفى تردّ على أخبار ارتباطها بمحمد صلاح

حلّت الفنانة ريم مصطفى ضيفةً على برنامج "معكم" الذي تقدّمه الإعلامية منى الشاذلي عبر قناة ONE، حيث تحدثت خلال الحلقة عن بعض الشائعات التي طاولتها خلال الفترة الماضية، كما كشفت عن مواصفات الشخص الذي تودّ الارتباط به.

وردّت ريم على شائعة زواجها من لاعب كرة القدم المصري العالمي محمد صلاح قائلةً: "إشاعة زواجي من اللاعب محمد صلاح فرّحتني وأنا عمري ما شُفته في الحقيقة، واتضايقت من إشاعة إني سبب طلاق أصالة وطارق العريان لأن أصالة حبيبتي وشام صحبتي ودي كانت أول إشاعة تطلع عليّ".

وأضافت ريم: "حياتي الشخصية مقفلاها عليّ، وده لما الإنسان بيكون عنده نضج ووعي بخبرات حياتية كتيرة".

وأردفت بالقول: "أبحث عن الشخص الحلو وكل ده بس لازم يكون صديق قبل ما يكون زوج ويكون عنده نضج فكري، والحاجات دي دلوقتي مش سهل حد يلاقيها، وارتبطت بأشخاص كتيرة توكسيك أعمل لها كتاب، وده بعيد عن أبو أولادي... أنا مش عاوزة أدخل تجربة فاشلة لأن نفسياً مش عايزة أكمّل في علاقة مش هتضيف ليا سعادة".

وعن فيلمها التسجيلي "نقطة تلاقي"، أوضحت ريم مصطفى: "فهمت من الفيلم تاريخ بلدي كله وقد إيه بلادنا كبيرة، وجبل موسى لما وقفت عليه حسّيت بطاقة كبيرة لأن ده المكان اللي كلّم فيه ربّنا سيدنا موسى وكان في طاقة حلوة هناك وأنا فخورة بالعمل ده".

وعن انتقادات الجمهور لمشهدها الشهير و"إفيه" (أنت اللي قتلت ابني يا مجدي) في مسلسل "سيد الناس"، الذي عُرض في موسم دراما رمضان الماضي، كشفت ريم أنها تفاجأت برد فعل الجمهور على المشهد، قائلةً: "الموضوع مر بمراحل معايا في البداية خضتني ولما شوفته قولت إيه القرف ده؟ وأنا كان عندي ظرف يومها ومتخيّلتش إني أطلع بالمنظر ده". وتابعت: "ابتديت أقول لنفسي هاكتئب ولا أزعل وكنت كل يوم بصحى أقولهم أنا لسه تريند يقولولي آه... فأروح أنام تاني".