تعرض فتيات لعملية ابتزاز باسم منظمة في صنعاء

كريتر سكاي/خاص:

قال الاعلامي راشد معروف:هناك قضية إبتزlز وتم تتبع أرقام وأسماء العصابة حتى وصلت لرقم البنت التي تم إستلام الحوالة على أسمها من صنعاء أتضح أن البنت أيضا ضحية نصبوا عليها .

واضاف:وقالوا لها أرسلي بطاقتك وتصوري والبطاقة جنب وجهك عشان نوظفك في منظمتنا ولما أرسلت فتحوا حساب بنكي بأسمها هناك شركة في صنعاء تفتح حسابات بنكية عبر اون لاين وهذه الثغرة أستغلها النصابين والعصابات وشغالين عليها يستلمون حوالات عبر أسم يكون ضحية هو أيضا حتى اذا رحت تبلغ عليه يطلع ضحية وبعد إستلام الحوالة تقوم العصابة بتحويلها عبر هذا الحسابات إلى حسابات في الخارج وكذا يدوخوك وما تقدر تتوصل لأي خيوط للعصابة لا احد يكون يعطي اي بيانات عبر الواتس لأي أحد ولا تصدق اي أحد يقول لك نوظفك أو نعتمد لك تبرعات ومساعدات كذب كذب افهموا نصبوا على البنت ورسلت لهم صورها على أساس يرسلون لها مستحضرات تجميل وتبيعها وتكون مندوبة تبعهم وعشان يتأكدون من هويتها اشترطوا ترسل صورها وهي كاشفة لواحدة على أساس الدكتورة تبعهم وهي مش دكتورة هو نفسه صاحب الرقم الأول يحولها لرقمه الثاني عشان تصدق أنها تراسل دكتورة.

واختتم: وأرسلت لها صورها المهم التفاصيل طويلة ونختصر لكم الموضوع العصابة ابتزوا البنت بصورها وحولت لهم كثير أموال وباعت كل ما تملك وما رحموها والان تدخلت في الموضوع وحاولنا ننقذها والحساب البنكي للعصابة با تروح البنت اليوم في صنعاء التي الحساب فتحوه بأسمها تبلغ وتقفله والضحية الأولى الله يعوض عليها في فلوسها وانتبهوا يا جماعة العصابات تستهدف الجميع ويرسلون عشوائي للجميع وأي بنت تطمع في الشغل والعروض التي يقدموها تودف وكذا لازم من التوعية أريد التوعية تصل للجميع نحاول نكافح هذه العصابات الخطيرة بالتوعية للمجتمع الإنترنت قده مليان والله صور نساء يمنيات وكلها لمثل هؤلاء الضحايا تنشرها العصابات والبلاد خربانة لا أمن ولا أمان لمن تشتكي ومن با يقبض عليهم للأسف مافي حتى جهاز خاص لمكافحة الجرائم الإلكترونية لا في صنعاء ولا عدن المهم كل واحد يخلي باله من لغاليغة وخلاص ونسأل السلامة و الستر للجميع.